Programa de Doutoramento en Protección do Patrimonio Cultural

O Programa de Doutoramento Interuniversitario en Protección do Patrimonio Cultural das Universidades de Vigo, Santiago de Compostela e A Coruña pretende xerar un espazo de encontro interprofesional entre os distintos axentes que participan na protección do patrimonio nas súas diferentes perspectivas: documentación e valoración, caracterización dos materiais e da contorna que o rodea, mecanismos de deterioro e diagnóstico e finalmente intervención directa ou indirecta sobre o patrimonio co obxecto de protexelo.